fbpx

Këto 6 gjëra i përkeqësojnë periodat tuaja

Kur bëhet fjalë për periodat, ka zakone të caktuara dhe kushte mjekësore që mund t’ju bëjnë të ndiheni keq çdo muaj. Kështu revista INSIDER u kërkoi mjekëve gjërat që mund të shkaktojnë që dhimbje më të forta apo ndjesi të pakëndshme gjatë cikli dhe gjashtë motivet që u zbuluan janë këto!

Niveli i lartë i stresit mund të përkeqësojë simptomat para dhe gjatë ciklit tuaj

Mbajtja e niveleve të ulëta të stresit, potencialisht mund të ndihmojë që simptomat tuaja të jenë më të menaxhueshme, tha Dr. Terry Dunn, mjeku Obster-Gjinekolog për Insider. Megjithëse nuk është gjithmonë e mundur të eliminoni çdo stres në jetën tuaj, praktika të caktuara siç të folurit rregullisht me një specialist të shëndetit mendor, apo përfshirja e meditimit në rutinën tuaj të përditshme mund t’ju ndihmojnë për të menaxhuar më mirë nivelin tuaj të stresit dhe rrjedhimisht edhe ciklin menstrual, transmeton Class.

Ju mund të keni një shkak mjekësor që po i bën periodat tuaja më të dhimbshme

Në disa raste, ka perioda jashtëzakonisht të dhimbshme që mund të jenë një shenjë që ju keni një gjendje mjekësore, të tillë si adenomyosis ose endometrioza. “Adenomyosis, një gjendje ku gjëndrat që normalisht gjenden në muskujt e mitrës, mund të bëjnë perioda më të rënda dhe më të dhimbshme. Endometrioza mund të jetë gjithashtu një shkak i zakonshëm i të dy cikleve të dhimbshme dhe seksit të dhimbshëm”, tha Dr. Treder. Megjithëse të dyja kushtet janë kronike, disa ilaçe dhe terapia mund të ndihmojnë ata që vuajnë prej tyre.

Pirja e shumë e kafeinës mund të keqësojë simptomat e ciklit

Pirja e kafeinës potencialisht mund të rrisë nivelin tuaj të estrogjenit, gjë që mund të përkeqësojë simptomat e ciklit tuaj dhe simptomat premenstruale, të cilat zakonisht ndodhin një javë ose dy para fillimit të periodave tuaja. Shkurtimi i kafeinës mund t’ju ndihmojë të ndiheni pak më mirë.

Nëse dieta juaj përmban shumë kripë, mund të ndiheni më të fryrë gjatë periodave tuaja

Dr. Dunn thotë se dieta juaj shpesh mund të ndikojë në intensitetin e simptomave të lidhura me ciklin tuaj, kështu që ndryshimi i asaj që hani mund t’ju ndihmojë të ndiheni pak më mirë. Për shembull, mund të dëshironi të shkurtoni ushqimet që janë të larta në kripë, sepse ato mund t’ju bëjnë që të përjetoni fryrje të tepërt të barkut. Ndërsa jeni në ditët e ciklit, mund të dëshironi të hani gjëra që mund të ndihmojnë në rritjen e energjisë dhe në reduktimin e simptomave premenstruale, siç janë ushqimet që përmbajnë kalcium (si djathi apo kos), fruta, perime ose edhe oriz e  bollgur.

Alkooli rrit potencialisht dhimbjet gjatë ciklit

Pirja e një sasie të tepruar alkooli mund të ulë nivelin tuaj të magnezit, rrit prostaglandinat tuaja, të cilat mund të shkaktojnë dhimbje. “Çdo muaj kur mitra fillon të hedhë rreshtën e saj, prostaglandinat janë lëshuar. Prostaglandinat janë kimikate natyrale në trup që nxisin kontraktimet e vogla në mitër duke shkaktuar dhimbje gjatë ciklit që mund të jenë të rënda për shumë gra. Përveç zvogëlimit të konsumit të alkoolit, duke marrë një anti-inflamator një ditë para se prisni ciklin tuaj, mund të zvogëloni potencialisht intensitetin e disa dhimbjeve.

Ju mund të keni fibroide të vendosura në muret e mitrës

Dr. Gaither tha se nëse fibroidet, tumoret beninje të mitrës, janë të vendosura në muret e saj, ju mund të ndjeni dhimbje edhe më shumë se zakonisht gjatë ciklit tuaj menstrual. Ajo gjithashtu tha se nëse keni fibroide duhet të flisni me mjekun tuaj rreth terapisë kirurgjikale, medikamenteve dhe opsioneve të tjera të trajtimit që mund të zvogëlojnë simptomat e përkeqësuara nga tumoret beninje.

Lajme të ngjashme

Leave a Reply

Your email address will not be published. Required fields are marked *

Back to top button