U mbajt marsh protestues kundër hapjes së minierës “Ilovica”

“Stop për minierat”, “Stop për minierën e vdekjes” porositën të rinjtë në marshin protestues sot, në komunën e Bosilovës, si përgjigje për mundësinë e hapjes së minierës “Ilovica-Shtuka” në kompaninë “Euromax Resurse” në malin Ograzhden. Nën moton “Një zë për një mjedis të pastër, një zë për një të ardhme të shëndetshme, një zë kundër minierave të vdekjes”, të rinjtë u kërkuan politikanëve të marrin vendimin që e kanë premtuar dhe që është në interes të qytetarëve, transmeton Nova TV.

“U bëjmë publikisht thirrje autoriteteve qendrore dhe lokale për të zgjidhur problemin. Ne u dërgojmë mesazhe, para se gjithash, nga të rinjtë që janë revoltuar nga pakujdesia e autoriteteve për të ardhmen tonë dhe ne kërkojmë publikisht një mundësi për ta zgjidhur këtë çështje përgjithmonë. Ne themi “jo për minierat”, sepse të rinjtë janë ata që do të pësojnë pasojat e hapjes së tyre”, tha Miki Krstev, një banor i fshatit Stuka.

Nga skena e improvizuar e kamionit folën gjithashtu edhe të rinj të tjerë nga të dy fshatrat (Ilovica dhe Shtuka), foli edhe Angel Nakov nga organizata “Shpëtim për Gjevgjelinë”. Edhe ai kërkoi nga qeveria të mos lejojë hapjen minierës dhe theksoi se misioni i Kryeministrit është të thotë jo për projektin.

Në marshin protestues prezent ishin edhe kryetari i Komunës së Bosilovës, Zoran Zimbakov dhe kryetari i Komunës së Novo Sellës, Goran Cvetkov.