Vrasja e 7-vjeçarit, në Zvicër sot mbahet marsh solidarizues

Në Basel të Zvicrës sot do të mbahet një marsh solidariziues me familjen e 7 vjeçarit, Ilias Mahmuti, i cili është vrarë në mesditën e së enjtes.

Ky marsh do të jetë të shtunën dhe do të fillojë në ora 14:00, njofton Klan Kosova.

Për këtë marsh është organizuar një event në Facebook ku shkruhet se ata që do të marrin pjesë sot aty do të nisen nga Schutzenmattpark dhe do të ecin deri tek vendi i krimit.

“Mblidhemi dhe startojmë nga Schutzenmattpark dhe do të ecim deri tek vendi i krimit në St. Galler Ring, dhe në fund në Gotthelferplatz mund t’i themi lamtumirë”, shkruhet në këtë event të organizuar në Facebook.

Lamtumira e fundit sot në Kosovë

Familja Mahmuti kanë njoftuar se 7-vjeçarit sot do t’i jepet lamtumira e fundit, në ora 12:00 në varrezat e qytetit të Gjilanit.

Në Zvicër në mesditën e së enjtes është vrarë 7 vjeçari Ilias Mahmuti, nga një grua e moshuar, pasi e qëlloi me thikë disa herë.