Apple ka përditësuar linjën iMac me specifika të avansuara
Është një javë shumë e zënë për Apple. Prodhuesi i iPhone ka lansuar tashmë një iPad Mini të përditësuar, iPad Air të ri, dhe AirPods të gjeneratës së ardhshme me pako për ngarkim pa tel.
Kompania gjithashtu ka sjellë pjesë të reja të brendshme për të përmirësuar performancën në kompjuterët desktop 21-inç dhe 27 inç, transmeton Telegrafi.
Avansimi i fundit sjell procesorë 6- dhe 8-core në Retina iMac, për herë të parë.
Sipas Apple, iMac-ët e përditësuar ofrojnë deri në 60% performancë më të shpejtë CPU sesa paraardhësit e tyre.
Ka edhe performancë grafike deri në 80% nga GPU-të e reja Radeon Pro Vega të pajisur brenda iMac-ve të ri.
Modelet e reja të iMac-it mbajnë të njëjtin ekran Retina 4K me mbështetje për gamën e gjerë të ngjyrave P3, hapësirë deri në 1TB dhe porte të shumta.
Siç mund të pritet, linja e re e iMac-it funksionon me versionin më të fundit të sistemit operativ desktop të Apple, macOS 10.14 Mojave, i cili prezantoi thirrjet grupore FaceTime dhe një aplikacion Mac tue ri-dizajnuar.
