Juventusi interesohet për Eriksenin
Juventusi është duke menduar të bëjë ofertë për transferimin e mesfushorit danez të Tottenhamit Christian Eriksen, raportoi “Calciomercato” të hënën.
Organizatori i Tottenhamit po kërkohet edhe nga Barcelona e Real Madridi, mirëpo edhe Juventusi po mendon të futet në garë për të, transmeton Koha.net.
Danezi tek ekipi italian shihet si përforcim ideal për mesfushën edicionin e ardhshëm.
Eriksen 27-vjeçar pritet të largohet nga ekipi anglez në fund të këtij edicioni, pasi më herët ka refuzuar rinovimin e kontratës që i skadon në verën e vitit 2020.
Eriksen prej vitit 2013 është pjesë e Tottenhamit. Këtë edicion ka shënuar shtatë gola dhe ka bërë 12 asistime në 38 paraqitje në të gjitha garat.