Zaev: E them qartë dhe nuk iki nga ajo se amnistia ka ndodhur kur shtetit i duhej dy e treta e shumicës
Kryeministri i Maqedonisë, Zoran Zaev sot deklaroi se nuk ka paralajmërime për amnisti të re, as nga Ministria e Drejtësisë, e as nga presidenti, i cili, siç theksoi, nuk ka mundësi ligjore për këtë gjë, transmeton Portalb.mk.
Siç tha Zaev, Ligji për amnisti për të akuzuarit e rastit të 27-prillit, është miratuar në momentet kur kishte nevojë për dy të tretën e shumicës për ndryshimet kushtetuese.
“Nuk ka nevojë më shumë për këtë gjë, nuk ka raste të tilla. Askush nuk ka planifikuar çfarëdoqoftë. Ligji për amnisti ka ndodhur në kuadër të faljes, ishte proces shumë serioz, kur shtetit i duhej dy e treta e shumicës, e them qartë dhe nuk iki nga kjo. Nuk besoj se ndonjë nga institucionet, as Ministria e Drejtësisë, as presidenti, do të hapin rast të tillë për amnisti”, tha Zaev.
Ndryshe, kur Kuvendit të shtetit i nevojitej dy e treta e shumicës parlamentare që të votohen ndryshimet kushtetuese, meqenëse kjo shumicë nuk arrihej, u vendos të amnistohen deputetët të cilët ishin të akuzuar në rastin “Dhuna në Kuvendin e Republikës së Maqedonisë më 27-prill 2017”.
Në mesin e personave të aminstuar, përveç deputetëve janë: Luben Arnaudov, Sasho Vasilevski, Kërsto Mukoski, Lupço Dimovski, Johan Tarçullovski, Boris Damovski, Bogdan Ilievski – Betmen, Vllad Jovanovski, Stefan Mlladenovski, Mihail Mlladenovski, Zharie Simovski, Elena Docevska – Bozhinovska, Ivan Cvetanovski, Ilija Sllaveski, Mitre Pitropovski.
