Majlinda Bregu: Rritja ekonomike e Ballkanit Perëndimor është bërë trend
Perspektiva pozitive ekonomike të Ballkanit Perëndimor është jodiskutabile, ndërsa rritja mesatare e Bruto Prodhimit Vendor në vitin 2020 pritet të jetë afër 4 për qind.
Këtë në Sarajevë e deklaroi sekretarja e përgjithshme e Këshillit Rajonal për Bashkëpunim, Majlinda Bregu në mbledhjen e Bordit të organizatës, që është lloj i trupit operativ të vendeve të Procesit për Bashkëpunim me Evropën Juglinore, themelues i së cilit është Republika e Maqedonisë së Veriut, transmeton Portalb.mk.
“Rajoni ka shënuar avancim dhe ka perspektivë pozitive ekonomike. Vitet e kaluara rajoni ka zhvilluar rritje ekonomike të pandërprerë, ku analistët pajtohen se ky trend do të vazhdojë, ndërsa parashikohet që trendi të përforcohet dhe se në vitin 2019 rritja mesatare të jetë 3.5 për qind, ndërsa në vitin 2020 të arrijë në 3,8 për qind”, theksoi Bregu.
Bordi ka qenë i informuar se Bosnja dhe Hercegovina e kanë ndërmarrë kryesinë e Samitit të Procesit për Bashkëpunim në Evropën Juglinore dhe se në rrjedhë janë përgatitjet që Kosova ta ndërmarrë kryesinë e ardhshme, njoftuan nga Këshilli rajonal për bashkëpunim.
