Ka plasur një gyp në PSP, Stefanova: nuk është dëmtuar lënda “Perandoria”
Të gjitha dokumentet e rastit “Perandoria” janë ruajtur, konfirmoi për MIA-n prokurorja e Prokurorisë Speciale Publike, Lile Stefanova, pas informatës se një pjesë e dokumenteve të mbledhura së dëshmi për tre lëndë, janë vërshuar. Nga Prokuroria Speciale Publike se nuk bëhet fjalë për vërshim, por për plasjen e një gypi të ngrohjes qendrore në korridoret, e jo në podrum, transmeton Portalb.mk.
Nga Prokuroria Speciale theksojnë se të gjitha dokumentet janë skenuar dhe ruhen edhe në formë elektronike, ndërsa pas inspektimit të plotë të dokumentacionit në lidhje me lëndët “Treqind” dhe “Spiun”, nëse ka nevojë për ndonjë nga dokumentet, ata do të restaurohen.
“Për shkak plasjes së gypit të ngrohjes qendrore, në objektin e PSP është vërshuar një pjesë e dokumentacionit të disa lëndëve që udhëhiqen nga kjo Prokurori, mes të cilave ‘Perandoria’, ‘Treqind’ dhe ‘Spiun’. Megjithatë, duhet të kihet parasysh se në këtë Prokurori dokumentet skanohen, por nëse konfirmohet se ka dokumente që nuk janë vendosur në formë elektronike, do të kërkohet riparimi i tyre. Për momentin testohen shkaqet për rastin konkret dhe po zbatohet procedura e brendshme me qëllim që të përgatitet vlerësimi i dëmit të përgjithshëm”, të njëjtën përgjigje, në formë të shkruar, theksojnë nga PSP, e kanë dhënë edhe në pyetjen e gazetarit të emisionit 360 shkallë të Alsat.
Lëndët “Treqind” dhe “Spiun” janë në fazën e gjykimit, ndërsa lënda “Perandoria” është në fazën e hetimit. Në këtë rast akuzohen 13 persona, mes të cilëve Jordan Kamçev, Sasho Mijallkov, Cvetan Pandellevski, Nenad Josifovviq dhe të tjerë, ata akuzohen për shoqërim kriminel, keqpërdorim të detyrës zyrtare dhe autorizim, mashtrim dhe larje parash dhe për shkaqe të tjera nga vepra penale.
Në nëntor gjykata miratoi masë të parakohshme për marrjen e një pjese të pasurisë për shkak të sigurimit të personave juridik Orka Holding dhe Eksisko dhe vendime që para kohe të ndalojë fluksin e parave nga llogaritë bankare të personave juridik Eksiko dhe Timoh – import –eksport.
Sipas dëshmive të PSP deri në atë moment, dëmi i bërë i buxhetit të Republikës së Maqedonisë së Veriut është më së paku 6.275.280 euro dhe se paratë janë paguar në vlerë prej 10,939,938 euro.
Javën e kaluar, Gjykata Supreme i pranoi ankesat e Kamçevit, Josifoviqit dhe Pandeleskit, por jo edhe të Mijallkovit, i cili në ndërkohë fitoi dënim me burg deri në aktvendimin fuqiplotë të rastit “Titanik 2”, lëndë në të cilën sipas shkallës së parë është dënuar me 3 vjet burg.
Por, me propozim ligjin për Prokurorinë Publike, që e miratoi Qeveria javën e kaluar, PSP bëhet pjesë e Prokurorisë Publike dhe me kompetenca të zgjeruara për vepra të tjera, por bombat do të shfrytëzohen si dëshmi vetëm për hetimet që janë ngritur deri më 30 qershor 2017, që është në linjë me mendimin juridik nga Gjykata Supreme prej më parë.
Në vërejtjet e opinionit se në këtë mënyrë një numër i madh i hetimeve si “Pacienti” dhe “Perandoria” do të bien, nga pushteti thonë se hetimet do të vazhdojnë nëse për to ka dëshmi, që nuk lidhen me bombat. PSP tani duhet të deklaroi se sa pjesë të dëshmive të “Perandorisë” janë shkatërruar.
Për rastin “Spiun” të akuzuar ishin 18 persona për shoqërim kriminel, spiunim, keqpërdorim të detyrës zyrtare, shantazh, mashtrim dhe posedim të armëve pa leje.
Në fjalët përfundimtare të akuzuarit konfirmuan se janë të pafajshëm dhe kërkuan nga Gjykata t’i lirojë nga përgjegjësia penale.
Rasti “Treqind” ka të bëjë me furnizimin joligjor të 300 veturave për nevojat e MPB, gjegjësisht për dëmtimin e buxhetit shtetëror për 453.560 euro.
