Tre nga nëntë kandidatët i mblodhën nënshkrimet për zgjedhjet presidenciale
Vetëm tre nga nëntë kandidatë do të hyjnë në garën presidenciale më 21 prill, njofton MIA, transmeton Kanal5.
Komisioni Shtetëror Zgjedhor (KSHZ) konfirmoi sot se Gordana Siljanovska Davkova, Stevo Pendarovski dhe Blerim Reka kanë mblodhur nënshkrimet e nevojshme në afatin ligjor të përcaktuar.
“Nga gjithsejt nëntë kandidatë që mblodhën nënshkrime në zyrat tona rajonale, së paku 10,000 nënshkrime të nevojshme për të mbështetur kandidaturën, mblodhën tre kandidatë: Gordana Siljanovska – Davkova, Stevo Pendarovski dhe Blerim Reka. Kandidatët e tjerë nuk morën nënshkrimet e nevojshme”, tha zëdhënësja e KSHZ, Ljupka Guguevska.
Siljanovska-Davkova, e mbështetur nga VMRO-DPMNE, grumbulloi 15,926 nënshkrime, ndërsa Stevo Pendarovski, mbështetur nga SDSM, mblodhi 31,729 nënshkrime. Blerim Reka, i mbështetur nga Aleanca e Shqiptarëve dhe Lëvizja Besa, mblodhi 11.128 nënshkrime.
Pendarovski dhe Siljanovska-Davkova kanë mbështetje nga të paktën 30 deputetë.
Ajo vuri në dukje se njohja e publikut në listën zgjedhore është e hapur për inspektim deri më 14 mars 2010.
Gugucevska tha se deri dje, 50.572 qytetarë kanë inspektuar Listën e Votuesve në zyrat rajonale dhe 119 vendime janë miratuar për t’u regjistruar në Listën e Votuesve, 107 vendime për fshirje nga Lista e Votuesve, si dhe 29 vendime për ndryshimin e të dhënave në Listën e Votuesve.
“Ne i bëjmë thirrje qytetarëve, që deri më 14 mars të shfrytëzojnë mundësinë për të inspektuar Listën e Votuesve dhe nëse është e nevojshme, të paraqesin kërkesë për regjistrimin, fshirjen ose ndryshimin e të dhënave në zyrat tona rajonale”, shtoi zëdhënësi i KSHZ.
Ka edhe kërkesa të vazhdueshme për votim jashtë vendit, dhe deri më tani janë dorëzuar vetëm 920 aplikime, nga të cilat pesë janë refuzuar.
