Mourinho dhe “çeku i bardhë”
Kombëtarja kineze e futbollit provoi shumë por pa rezultat për të marrë trajnerin Jose Mourinho. I shkarkuar me ceremoni nga Manchester United dhe tashmë në rolin e opinionistit ndërsa gëzon milionat e fituar nga kontrata me Djajtë e kuq, portugezi u kontaktua disa herë nga vendi aziatik për të marrë frenat e seleksionit, por pa sukses, transmeton Top Channel.
Pas largimit të Marcelo Lipit nga përfaqësuesja e Kinës, në Pekin kërkuan me ngulm një trajner me peshë për të marrë në dorë ekipin. Por Jose Mourinho që për momentin po argëtohet duke formalizuar batutat dhe komentin e tij në lidhje direkte në ndeshjet kryesore, vendosi të thotë jo.
“Oferta për të ishte e parefuzueshme. Ishte një cek i bardhë por ai e refuzoi” tha miku Mourinhos, agjenti i njohur Ioan Bekali. “Jam 54 vjeç dhe dua të qëndroj në Europë edhe për 5 vjet të tjerë. më pas mund të shkoj në Kinë” i tha Mourinhos shokut të tij.
Refuzimi i portugezit, ngre kuota e ish kampionit të botës me Italinë, Fabio Kanavaro, për të marrë drejtimin e përfaqësueses Kineze.
