Trump beson në arritjen e një marrëveshjeje tregtare me Kinën

Presidenti i Shteteve të Bashkuara, Donald Trump, shprehu besimin se Shtetet e Bashkuara mund të arrijnë një marrëveshje të tregtisë me Kinën, transmeton REL.

Mirëpo ai tha se SHBA-të mund të ia dalin mbanë me ose pa marrëveshje me fuqinë e dytë ekonomike në botë.

“Natyrisht, kam besim (në arritjen e marrëveshjes) mirëpo edhe nëse nuk arrijmë një pakt të mirë për vendin tonë, kjo nuk do të kishte rëndësi” tha Trump i pyetur nga gazetarët për mundësinë e arritjes së marrëveshjes tregtare SHBA-Kinë.

Më 24 shkurt, presidenti amerikan, Donald Trump, njoftoi se planifikon të vonojë rritjen e tarifave mbi mallrat kineze, duke shtuar se është bërë “përparim substancial” në negociatat e fundit me Pekinin.

Lufta tregtare ndërmjet dy superfuqive ka tronditur tregjet globale dhe ka rritur frikën se mund të ngadalësojë ekonominë në mbarë botën.

Për një kohë të gjatë, Trump është ankuar për praktikat tregtare të Kinës. Trump dhe Xi ishin takuar në Mar-a-Lago në samitin e mbajtur në prill të vitit 2017.

Lajme të ngjashme

Leave a Reply

Your email address will not be published. Required fields are marked *

Back to top button