Zaev e konfirmoi: Takim liderësh të dielën
Kryeministri dhe lideri i LSDM-së, Zoran Zaev sot ka deklaruar se është konfirmuar takimi i liderëve për të dielën me kryetarin e liderit të VMRO-DPMNE-së, Hristijan Mickoski, njofton Portalb.mk.
Në pyetjen gazetareske nëse do të mbahet takim i liderëve, Zaev pas prezantimit të rezultateve nga projekti për zvogëlim të vdekshmërisë së nënave dhe të foshnjave në Klubin e Deputetëve, shkurt tha se takimi me Mickoskin është konfirmuar për të dielën, duke mos e precizuar terminin.
Zgjedhjet presidenciale, ligjet reformuese dhe Prokuroria Speciale Publike, ashtu siç është e paralajmëruar, do të jenë tre çështjet kryesore për të cilat do të bisedojnë Zaev dhe Mickoski.
Edhe lideri i VMRO-DPMNE-së paraprakisht ka konfirmuar se do të bisedojë për tre çështje të rëndësishme.
Ndryshe, Ligji i ri për Prokurorinë Speciale me të cilën rregullohet statusi i PSP-së, i cili kaloi në seancë qeveritare, në dispozitat përfundimtare parashikon që “bombat” do të vlejnë vetëm për lëndët për të cilët Prokuroria Speciale i ka hapur deri më 20 qershor të vitit 2017. Kjo nënkupton që pas atij afati, “bombat” nuk do të shfrytëzohen si dëshmi në procedurë gjyqësore.
Propozoi-ligji parashikon se materialet e përgjuara të cilat nuk do të dorëzohen në gjykata, do të ruhen në PSP një vit pas mbarimit të plotfuqishëm të të gjitha procedurave gjyqësore. Për votimin e ligjit në Kuvend është e nevojshme shumicë prej dy të tretave, gjegjësisht 80 deputetë. Parahetimet e PSP-së do t’i udhëheqin Prokuroritë, pavarësisht prej kompetencave.
