Rasti “Sopot”, janë dëmshpërblyer gjashtë ish të dënuarit
Qeveria e Maqedonisë së Veriut i ka dëmshpërblyer gjashtë ish të dënuarit në rastin “Sopot”, në vlerë prej 73 milionë denarë, njofton Portalb.mk.
Dëmshpërblimi vjen, pasi që paraprakisht në Gjykatën Civile u nënshkrua marrëveshja për dëmshpërblim.
Dëmshpërblimi vjen pasi që më 19 mars të 2018-s, me vendim të Gjykatës, banorët e Sopotit u shpallën të pafajshëm dhe u liruan nga burgu.
Rasti “Sopot” ka të bëjë me ekspozim të minës në fshatin Sopot në mars të 2003-s. Për rastin u dënuan 11 banorë, me 156 vjet burg.
