Juventus, një makinë rekordesh: 26 transferta pa humbje
Juventus vazhdon të marshojë bindshëm drejt titullit të 35 kampion në historinë e saj, të tetin radhazi të një cikli që duket i pashtershëm në futbollin italian, transmeton Top Channel.
Për të parë një distancë të tillë në serinë A në 26 javë kampionat, duhet zbritur në sezonin 2006/2007 mes asaj që ishte kryesuese asokohe, Interit, dhe Romës së vendit të dytë. 12 vjet më parë u regjistrua një pikaverazh i tillë por Juventus kërkon të mos ndalet me kaq në shënjestrën e rekordeve.
Zonja e Vjetër vendosi në stadiumin San Paolo një shifër impresionuese të pathyeshmërisë në ndeshjet në transfertë, plot 26 beteja radhazi jashtë mureve të shtëpisë pa humbje. Rekordi absolut mbetet pronë e Milanit të Kapelos me 38 transferta pa humbje nga 1991 në 1993. Juventus në këtë kampionat ende nuk ka vuajtur një humbje, dhe mund ta mbyllë turneun kështu, njësoj si e njëjta skuadër në 2011/2012, si 1991/1992 apo si Perugia 1978/1979.
Me 72 pikë të fituara e 36 ende në diskutim, bardhezinjtë mund ta mbyllin kampionatin me 108 pikë, një rekord për serinë A, që për momentin është pronë e Juventusit të drejtuar nga Konte.