Aksident në magjistralen Prizren-Zhur, tre persona humbin jetën
Tre persona kanë humbur jetën të shtunën si pasojë e një aksidenti në magjistralen Prizren-Zhur. Në aksident kanë qenë të përfshirë një veturë dhe një kamion për pastrimin e rrugëve, tha për Radion Evropa e Lirë, zyrtari për Informim i Drejtorisë Rajonale të Policisë së Prizrenit, Vesel Gashi.
“Sot rreth orës 11:30 në magjistralen Prizren-Zhur, ka ndodhur një aksident trafiku. Në këtë aksident trafiku janë të përfshirë një veturë e udhëtarëve dhe një kamion për pastrimin e rrugëve. Si pasojë e aksidentit kanë humbur jetën tre persona. Sipas hetuesve dyshohet se deri te aksidenti ka ardhur për shkak të mosrespektimit të rregullave të komunikacionit dhe kushteve klimatike”, tha Gashi.