Tetovë, 45 vende të reja parkimi do të jenë në funksion nga java e ardhshme
Komuna e Tetovës ka filluar me ndërtimin e një hapësire të re te Tregu i Gjelbër, e cila hapësirë do të shfrytëzohet si parking i mbyllur, dhe do të ofrojë 45 vende të reja parkimi, njofton Portalb.mk.
Nëpërmjet një postimi në facebook Komuna lajmëroi fillimin e ndërtimit të këtij parkingu, që sipas tyre do të reduktonte problemin e komunikacionit.
“Meqenëse vend parkimet janë një prej kërkesave shumë të rëndësishme e qytetarëve, ky vend parkim si pikë e re në njërën nga hyrjet kryesore të qytetit do të reduktonte jashtëzakonisht problemin e komunikacionit të ngjeshur, përreth tregut të gjelbër”, thuhet në postimin e komunës.
Nga Komuna për Portalb thanë se parkingu do të vihet në përdorim gjatë javës së ardhshme.