Alvaro Morata: E dua Juventusin, por do të luaj për fitoren e Atleticos
Sulmuesi i Atletico Madridit, Alvaro Morata pranon se Juventusi është ‘ekipi im në Itali’.
Sulmuesi spanjoll shënoi 27 gola në 93 paraqitje për italianët në mes të viteve 2014 dhe 2016, duke fituar dy tituj dhe ka arritur në një finale të Ligës së Kampionëve, transmeton Telegrafi.
“Ne jemi të dytit në La Liga, duke luftuar për titullin, dhe tani vjen ndeshja kundër Juventusit, ku gjithçka ndalet”, tha djaloshi i ri i Atleticos para ndeshjes së parë të 16-të në Wanda Metropolitano.
“Kjo është Liga e Kampionëve dhe është momenti ynë për të treguar atë që duam. Ata janë një ekip i shkëlqyer, por ne do të luftojmë me vdekjen”.
“Unë nuk mund të festoj në rast se shënoi gol për Atleticon [kundër Juve]. Shkaku i respektit, por qëllimi im i parë në këtë këmishë do të thotë shumë për mua”.
“Është e vërtetë që dua t’i respektoj tifozët e Juventusit sa më shumë që të jetë e mundur, duke qenë se ata janë ekipi im në Itali dhe se unë dua që ata të fitojnë gjithmonë, por jo kundër nesh”.
Ndryshe, dueli mes dyja ekipeve do të zhvillohet në qytetin e Madridit me fillim në ora 21:00.
