E mbaj zemrën tënde me vete
e mbaj zemrën tënde me vete (unë e mbaj
në zemrën time) askund s’rri pa të
(kudo që shkoj vjen edhe ti me mua, e dashura ime;
dhe çfarëdo që të bëj unë – është vepra jote, zemër)
S’kam frikë
nga asnjë fat (sepse ti je fati im, o xhan) s’e dua asnjë botë
(sepse shumë e bukur je ti bota ime, besnikja ime)
dhe çfarëdo domethënieje të ketë pasur hëna
ti je
dhe ti je çfarëdo që ndonjëherë të këndojë dielli
ja fshehtësia më e thellë të cilën s’e njeh askush
(ja rrënjët e rrënjëve dhe pipthat e pipthave
dhe qiejt e qiejve të drurit të quajtur jetë që luhatet
më shumë se sa që mundet zemra të shpresojë
ose sa mundet mendja të fshehë)
e mbaj zemrën tënde me vete (unë e mbaj në zemrën time)
Autor: Eduard Estlin Kamings
Shqipëroi: Xhabir Ahmeti