Filipine, 136 të vdekur si pasojë e fruthit
Sekretari i Shëndetësisë i Filipineve është shprehur se 136 persona, kryesisht fëmijë, kanë vdekur si pasojë e fruthit dhe 8,400 tjerë janë sëmurë gjatë shpërthimit të fajësuar pjesërisht për shkak të frikës së fundit nga vaksinimi, transmeton Anadolu Agency (AA).
Sekretari i Shëndetësisë, Francisco Duque III, tha se shtrirja masive e imunizimit që filloi javën e kaluar në Manilan e të goditur rëndë dhe katër rajone provinciale mund të përmbajnë shpërthimin deri në prill.
Presidenti i vendit, Rodrigo Duterte, në një mesazh televiziv paralajmëroi të premten për ndërlikime fatale dhe kërkoi që fëmijët të imunizoheshin.
Duque tha se përpjekja e informacionit të qeverisë po ndihmon rivendosjen e besimit të publikut në programin e vaksinimit të qeverisë, i cili u dëmtua në vitin 2017 nga një vaksinë anti-dengue e bërë nga prodhuesi francez Sanofi, i cili u fajësua për vdekjen e të paktën tre fëmijëve.
