Franca mbështet përpjekjet për arritje të marrëveshjes Kosovë-Serbi

Presidenti i Francës, Emmanuel Macron, ka thënë në një letër drejtuar presidentit të Kosovës, Hashim Thaçi se shteti i tij mbështet përpjekjet për të arritur një marrëveshje gjithëpërfshirëse dhe përfundimtare për normalizimin e plotë të marrëdhënieve mes Kosovës dhe Serbisë, duke e konsideruar këtë pakt si thelbësor për stabilizimin e qëndrueshëm të Ballkanit, transmeton REL. 

“Franca shpreson se pengesat për rifillimin e dialogut midis Beogradit dhe Prishtinës do të mënjanohen sa më shpejt që të jetë e mundur”, është cituar të ketë thënë Macron.

Në këtë letër, që i është nisur presidentit Thaçi me rastin e shënimit të 11-vjetorit të pavarësisë së Kosovës, ai ka përmendur edhe marrëdhëniet miqësore mes Kosovës dhe Francës.

“Franca qëndron në krah të Kosovës në mbështetje të afirmimit të saj të plotë në skenën ndërkombëtare”, është shprehur Macron.

Lajme të ngjashme

Leave a Reply

Your email address will not be published. Required fields are marked *

Back to top button