Ligjvënësit amerikanë miratuan buxhetin që shmangë mbylljen e qeverisë

Senati dhe Dhoma e Përfaqësuesve kanë miratuar një masë financiare e cila do të sigurojë fonde për të shmangur një mbyllje të re qeveritare.

Ky buxhet nuk parasheh edhe paratë që presidenti, Donald Trump, kishte kërkuar për një mur përgjatë kufirit amerikan-meksikan, transmeton REL.

Shtëpia e Bardhë tha më 14 shkurt se presidenti Trump synon të nënshkruajë projektligjin por që menjëherë do të deklarojë një emergjencë kombëtare për ta lejuar atë të shfrytëzojë paratë e ndara për qëllime tjera në mënyrë që të ndërtojë murin në kufirin jugor të Meksikës.

Senati e miratoi projektligjin më 14 shkurt me një votim 83 vota pro dhe 16 kundër ndërkaq në Dhomën e Përfaqësuesve pro ligjit votuan 300 ligjvënës dhe kundër 128.

Presidenti Trump në fund të janarit nënshkroi një projekt-ligj të financimit afatshkurtër që përfundon më 15 shkurt për t’i dhënë fund mbylljes së pjesshme të qeverisë, e cila zgjati 35 ditë.

Kjo ishte mbyllja më e gjatë e qeverisë në historinë e SHBA-së.

Lajme të ngjashme

Leave a Reply

Your email address will not be published. Required fields are marked *

Back to top button