Greqia shprehu ngushëllime për aksidentin tragjik në autostradën Shkup-Tetovë
Keqardhje të thellë, si dhe ngushëllime dhe solidaritet deri te qytetarët dhe qeveria, shprehë Ministria e Punëve të Jashtme e Greqisë pas aksidentit tragjik në autostradën Shkup-Tetovë.
“Ndjejmë keqardhje të thellë për aksidentin tragjik në autostradën Shkup-Tetovë. Në mendjet tona janë familjet e viktimave dhe të të afërme të tyre. Shprehim ngushëllime dhe solidaritet të sinqertë me qytetarët dhe qeverinë e Maqedonisë së Veriut”, shkruan MPJ-ja greke në profilin e saj zyrtar në Tuiter.
Deeply saddened by tragic road accident on the Skopje-Tetovo highway. Our thoughts go out to the victims’ families & loved ones. We extend our sincere condolences and solidarity to the people & the government of North Macedonia @Dimitrov_Nikola
— Υπουργείο Εξωτερικών (@GreeceMFA) February 14, 2019
Sipas agjencisë informative greke ANA-MPA, menjëherë pas aksidentit, ministri alternativ i Punëve të Jashtme të Greqisë, Jorgos Katrugallos e ka lajmëruar Nikolla Dimitrovin që t’i shprehë ngushëllime dhe mbështetje në momentet e vështira të vendit.