“Tahiri”, hetimet nuk zgjaten

Gjykata për Krime të Rënda pranoi kërkesën e ish-ministrit të Brendshëm, Saimir Tahiri.

Ajo i ka vendosur kohë prokurorisë deri më 10 mars për të vendosur përfundimisht nëse do kalojë në gjykim, apo do të mbyllen hetimet, transmeton Top Channel.

“Unë di që gjykata më dha të drejtë, kjo histori nuk mund të zgjasë pafund, deri më 10 mars. Kam mbajtur mbi kurriz akuza nga më të rëndomtat dhe skandaloze”, deklaroi Tahiri për mediat pas daljes nga gjykata.