fbpx

Nina Kostovska, person me sindromën Down do të punësohet në Qeverinë e Maqedonisë

Kryetari i Qeverisë së Republikës Maqedonisë, Zoran Zaev  u takua me Nina Kostovska, qytetare  nga Tetova, e cila jetën e saj e kalon me sindromën Daun.

Gjatë bisedës me kryeministrin Zaev ajo e rrëfeu rrugëtimin e saj jetësor, si dhe sfidat me të cilat çdo ditë është ballafaquar, por gjithashtu theksoi se në asnjë moment nuk është dorëzuar dhe as që ka menduar në një veprim të tillë.

Ajo e jeton  jetën dhe i kryen të gjitha aktivitet e zakonshme, siç bëjnë moshatarët e saj, ka diplomuar në Fakultetin e gjuhës dhe letërsisë maqedonase, njëkohësisht ka ndihmuar në barnatoren e prindërve të saj.

Qëndrimin i saj jetësor, Nina Kostovska, si një nga personat e mbrojtur nga UNICEF, e ka përcjellë edhe në fushatën „See the ability not the disability”  dhe gjatë bisedës me kryetarin e Qeverisë së Republikës së Maqedonisë, Zaev i theksoi si pozitive ndryshimet  sistematike që janë realizuar ose janë zbatuar në korniza të politikave për krijimin e një shoqërie të barabartë, në të cilën respektohen dallimet si një mundësi e jo si pengë, për përfshirjen në rrjedhat shoqërore.

Gjatë bisedës me kryeministrin Zaev, ajo e pranoi ofertën që të jetë  përkohësisht e angazhuar si bibliotekiste  në Bibliotekën e Qeverisë së Republikës së Maqedonisë.

Lajme të ngjashme

Leave a Reply

Your email address will not be published. Required fields are marked *

Back to top button