Nagip Zumberi është emëruar drejtori i ri në Klinikën për toksikologji

Klinika për toksikologji në Shkup ka emëruar drejtor të ri dhe këtë e ka bërë të ditur drejtori i deritaninëshm Niko Beqarovski përmes një postimi në Facebook, ku njëkohësisht ka njoftuar se për drejtor të ri është emëruar d-r Nagip Zumberi, transmeton Noamakedonja, përcjell Portalb.mk.

“Një falënderim të madh deri tek të gjithë të punësuarit në Klinikën e toksikologjisë, të cilët në 18 muajt e kaluara, treguan dhe dëshmuan se të gjithë së bashku mund të bëjmë SHUMË. Ishte kënaqësi dhe nder që të isha koordinator i juaji, bashkëpunëtor dhe udhëheqës. Njëkohësisht drejtorit të ri të emëruar d-r Nagip Zumberi, i dëshiroj shumë suksese, besim në këtë kolektiv të vogël por shumë të zellshëm”, ka shkruar Beqirovski.