Maqedoni, deputetët sot do të vendosin për paraburgimin e Ljupço Dimovskit

Në Kuvendin e Maqedonisë sot do të vendoset se a do të paraburgoset ose jo deputeti Ljupço Dimovski, i përfshirë në skandalin e Ministrisë së Bujqësisë dhe Blegtorisë, transmeton Portalb.mk.

Diskutimi në Kuvend për parburgimin e Dimovskit vjen pasi që të njëjtit të shtunën iu hoq imuniteti prej deputeti, për shkak se për të njëjtin duhet të parashtrohet masë nga gjykata.

Dimovski dyshohet se kur ka qenë pjesë e Ministrisë së Bujqësisë ka keqpërdorur pozitën zyrtare, ku bashkë me Mihaill Cvetkovin, Hristijan Dellevin dhe Aco Spasenoskin, kanë dëmtuar buxhetin shtetëror për 1.5 milionë euro. Të njëjtëve sot u është ngrirë edhe pasuria.

Kontestohen 584 tenderë për marrje në qira të tokave bujqësore në lokacione të ndryshme të Maqedonisë.

Ndryshe, për ish ministrin e Bujqësisë, Mihaill Cvetkov dhe ish zëvendësministrin e Bujqësisë, Hristijan Dellev më 1 shkurt u caktua masë paraburgimi 30-ditor dhe të njëjtët janë duke qëndruar në Burgun e Shuto Orizarës, ndërkaq për Aco Spasenoskin u caktua paraburgim shtëpiak për shkak të problemeve shëndetësore.

LEXO: MPB: Ja si e kanë dëmtuar buxhetin e Maqedonisë për 14 milionë euro ish ministrat e Bujqësisë
LEXO: Akuza kundër ish ministrave të Bujqësisë, ASH: të hetohen edhe zyrtarët e BDI-së