Qytetarët paralajmërojnë radikalizim të protestave nëse nuk ndërmerren masa për ajrin e ndotur
Qytetarë të shumët sot u mblodhën para Kuvendit të Republikës të Maqedonisë për të protestuar kundër ajrit të ndotur. Kjo është protesta e dytë e organizuar nga iniciativa qytetare “Shoqëri kancerogjene”. Njëri nga organizatorët Kristijan Uzunov, tha se nëse nuk caktohet mbledhje urgjente e Qeverisë dhe nuk shfrytëzohen të gjitha mjetet në dispozicion për tu përballur me problemin me ndotjen e ajrit, ata janë të gatshëm të ndërmarrin masa të tjera, transmeton slobodenpecat.mk, përcjell Portalb.mk.
“Nëse nuk na marrin me seriozitet do të duhet t’i radikalizojmë protestat, për hapat e ardhshëm do të konsultohemi shtesë, por e përkrahim iniciativën në afat prej 15 ditëve, nëse nuk ka ndonjë lëvizje me këtë gjendje, do të japim përkrahje totale edhe për bllokim. A do të jetë Qyteti i Shkupit apo vendet kyçe të qytetit, dicka do të mendojmë, por do të duhet të veprohet në mënyrë ndryshe që të na marrin me seriozitet”, deklaroi Uzunov.
