Aksident i rëndë në Shqipëri, makina përplasi për vdekje 74-vjeçarin
Një i moshuar është aksidentuar për vdekje pasditen e së premtes në qytetin e Hasit, njofton TCH.
Viktima është përplasur nga një makinë, ndërsa drejtuesi i mjetit menjëherë është arrestuar nga policia.
Nga të dhënat e para të policisë lokale raportohet se ka ndërruar jetë i moshuari me iniciale R.D., 74 vjeç, me banim në Krumë.
Sakaq, policia ka shoqëruar drejtuesin e mjetit me iniciale A.A, i cili shkaktoi aksidentin dhe po pyetet për shkaqet e ngjarjes.
Ndërkohë, grupi hetimor ndodhet në vendngjarje dhe po punon për sqarimin e rrethanave të aksidentit me pasojë vdekjen.
