Protesta në “Drislla”, u kërkua që të dëshmohet se a importohen mbeturina nga shtetet tjera (FOTO)
Organizatorët e protestës “Lëvizja për ajër të pastër”, sot kanë bllokuar hyrjen drejt deponisë “Drislla”, si paralajmërim i institucioneve kompetente duke kërkuar përgjigje për pyetjet: Çfarë digjet në furrat e Drisllës, çfarë deponie grumbullohet, cili është trajtimi i kësaj deponie, a respektohet legjislatura dhe rregulloret e Bashkimit Evropian dhe a importohen mbetura nga shtete tjera?, njofton Portalb.mk.
Protestuesit kanë kërkuar ndryshim të Rregullores për zbatim të kontrollit inspektues dhe i njëjti të përputhet me normativën e BE-së për emision të dioksinave, formaldehide dhe furane.
U kërkua edhe anulim të marrëveshjes së me ndërmarrjen “FCL Ambiente”, për shkak të mospërmbushjes së kushteve të marrëveshjes për “Drisllën”.
Eksperti i filtrave, Toni Nikushevski ka deklaruar se Drislla është njëra nga pikat më kritike në Shkup.
“Problemi më i madh është se mbeturina më e rrezikshme përfundon në këtë deponi. “Drislla” nuk ka marrë akreditim nga Ministria për Ambient Jetësor dhe Planifikim Hapësinor për deponim të kësaj mbeturine”, tha Nikushevski.
Nga ana tjetër, pjesëtari i shoqatës ekologjike “Eco Guerilla”, Arianit Xhaferi ka kërkuar nga kryeministri i Maqedonisë, Zoran Zaev ta ndryshojë ligjin për importim të mbeturinave.
“Kërkojmë nga Kryeministri Zaev dhe Qeveria urgjentisht të ndryshojë ligjin për importin e mbeturinave. Ndalimi i importit të mbeturinave do të ulte ndjeshëm nivelin e ndotjes, posaçërisht në Shkup. Dyshimet serioze për djegien e mbetjeve medicinale në deponinë Drislla pa standardet e duhura janë një nga shkaktarët e ndotjes së ajrit”, tha Xhaferi.
Drejtori ekzekutiv i “Drisllës”, Goran Angellov pas protestës ka deklaruar se deponia “Drislla” nuk është duke ndikuar në ndotjen e ajrit të Shkupit.
Inspektorati vlerësoi se grimcat nga oxhaku i furrës medicinale në Drislla, kur ajo është në funksion, vazhdimisht kontrollohen dhe janë në kornizë të së lejuarës. Në një pjesë të opinionit, megjithatë, tanimë gjatë kohë spekulohet se djegia e mbeturinave medicinale dhe të mbeturinave tjera në deponinë Drislla po zhvillohet jashtë standardeve ekonologjike dhe se në këtë mënyrë kjo deponi kontribuon për ndotjen enorme të ajrit.