Lideri i opozitës VMRO-DPMNE do të debatojë nesër me gazetarët

Hristijan Mickoski, udhëheqësi i VMRO DPMNE, do të marrë pjesë në një debat në Televizonin e Maqedonisë me përfaqësuesit e medias kombëtare televizive nesër në orën 20.15 të mbrëmjes.

“Me kënaqësi pranova ofertën e redaksisë së MTV-së për debat televiziv, për një intervistë me përfaqësuesit e mediave kombëtare televizive. Besoj se transparenca dhe gatishmëria për të debatuar për çështjet më të rëndësishme do t’u mundësojnë qytetarëve të kuptojnë më mirë dhe të vlerësojnë situatën, qëndrimet dhe sfidat e vendit tonë. Për të gjitha pikëpamjet e mia, për rënien e ekonomisë dhe shpalljen e premtimeve të rreme nga Qeveria, emri, dygjuhësia, zgjedhjet, NATO dhe BE dhe të gjitha temat e tjera, ju ftoj të shihni MTV të hënën në 20:15 “, njoftoi Mickoski në profilet e tij në rrjetet sociale.