Australian Open, Djokovic në gjysmëfinale pas tërheqjes së Nishikorit
Tenisti numër një në radhitjen botërore, Novak Djokovic, arriti të sigurojë kualifikim në gjysmëfinalen e turneut Australian Open, pasi japonezi Kei Nishikori u tërhoq gjatë ndeshjes për shkak të një problemi të kofshës, raporton Anadolu Agency (AA).
Bartësi kryesor i këtij kampionati Grand Slam për këtë vit, serbi Djokovic, gjendej në epërsi me rezultatin 6-1 dhe 4-1 kur bartësi i tetë Nishikori braktisi ndeshjen e çerekfinales për shkak të problemit me kofshën.
31-vjeçari Djokovic, gjashtë herë fitues i këtij turneu, në gjysmëfinale do të përballet të premten me tenistin Lucas Pouille nga Franca.
Pouille, bartës i 28-të, sot mposhti kanadezin Milos Raonic për ta siguruar vendin në gjysmëfinale.
Francezi 24-vjeçar arriti për herë të parë në karrierën e tij të avancojë në gjysmëfinalen e një turneu Grand Slam.