Maqedoni, nesër nxënësit do të kthehen nëpër shkolla pas pushimit dimëror
Ministria e Arsimit dhe Shkencës nëpërmjet një kumtese dërguar në media njofton se nesër do të fillojë gjysmë vjetori i dytë i vitit shkollor 2018/19, transmeton Portalb.mk.
“Në pajtim me rekomandimet e Ministrisë së Ambientit Jetësor dhe Planifikimi Hapësinor, si dhe duke pasur parasysh edhe rekomandimet e Grupit e Intersektorit për ndjekjen e gjendjes me kualitetin e ajrit ambiental, Ministria e Arsimit dhe Shkencës informon se gjysmë vjetori i dytë i vitit shkollor do të fillojë nesër, më 23.01.2019”, thuhet në njoftimin e Ministrisë së Arsimit.
