Aksident i rëndë sonte në autostradën Shkup – Tetovë (FOTO)
Një aksident i rëndë ka ndodhur sonte në autostradën Shkup – Tetovë, pas pikë-pagesës rrugore në Saraj. Automobili i markës “BMW” në ora 17.40, është rrotulluar dhe është përplasur për murin mbrojtës njofton Policia e Maqedonisë, transmeton Portalb.mk.
“Deri më tani kemi informata se vozitësi është në gjendje të rënde shëndetësore dhe është dërguar në Qendrën Urgjente në Shkup” kumtoi policia për Portalb.mk.
Në terren kanë dalë ekipet për ekspertizë dhe për zbardhje të rastit.