Shtatë raste të reja të dyshimta të infektimit me fruth
Shtatë raste të reja të dyshimta të të sëmurëve nga fruthi janë raportuar sot në Institutin e Shëndetit Publik. Prim. d-r. Gordana Kuzmanovska, epidemiologe në Institut, thekson se këto nuk janë raste të regjistruara, por ato duhet të shkojnë në analiza laboratorike dhe ekzaminime, e pastaj do të shihet nëse do të konfirmohen ose jo, përcjell Portalb.mk.
– Rastet e dyshimta janë marrë nga Klinika infektive. Ata janë duke e pritur diagnozën laboratorike, e pastaj do të dihet vallë do kemi raportim se është sëmundje infektive. Në epideminë e re, në territorin e Shkupit, pa shtatë rastet nga Radishani, aktualisht ka 13 raste të konfirmuara – njofton d-r. Kuzmanovska.
Siç mëson META jozyrtarisht, bëhet fjalë për fëmijë nga një kopsht në Aerodrom.
Që nga 3 janari, është shpallur epidemi e fruthit në nivelin e Shkupit. Në të njëjtën kohë u miratua masë për të ndaluar pranimin e fëmijëve të pa vaksinuar me MRP. Që nga dita e ndalimit, më shumë se 1,300 fëmijë janë vaksinuar deri më tani.
Inspektorati shtetëror sanitar dhe shëndetësor realizon kontrolle të kopshteve, nëse pranojnë fëmijë të cilët nuk e kanë marrë këtë vaksinë. Drejtoresha Irina Buhova informon për “Meta” se deri më tani nuk ka raste të regjistruara për pranim të fëmijëve të pa vaksinuar.
– Ne mund të bëjmë kontrolle vetëm aty ku ka vendim për ndalesë. Prandaj inspektorët tanë punojnë vetëm në Shkup. Aktualisht, nuk ka raporte për fëmijët e pa vaksinuar të pranuar në ndonjë çerdhe – thotë Buhova