fbpx

Foshnja nxirret gjallë pas 35 orësh nga gërmadhat e ndërtesës së shembur në Rusi

Një foshnjë 11 muajshe u gjet e gjallë nën gërmadhat e një ndërtese e cila ishte shembur rreth 35 orë më parë në Magnitogorsk të Rusisë, raporton Anadolu Agency (AA).

Fëmija i shpëtuar, gjë të cilën shërbimet e emergjencës e kanë quajtur “një mrekulli”, aktualisht ndodhet në gjendje të rëndë shëndetësore, megjithatë mjekët janë optimistë.

Guvernatori i rajonit Chelyabinsk, Boris Dubrovsky, në aplikacionin “Telegram”, shkroi se zbulimi i foshnjës djalë u bë gjatë “minutës së heshtjes”, kur ekipet ndërpresin punimet për të dëgjuar të mbijetuarit e mundshëm të lëshojnë ndonjë zë.

“Fëmija ka shpëtuar sepse ishte i mbështjellë mirë dhe brenda krevatit për fëmijë”, shkroi Dubrovsky.

Nëpër media të ndryshme tashmë qarkullon një video e bërë nga punonjësit për kërkim dhe shpëtim ku shihet se si ata nxjerrin nga gërmadhat foshnjën 11 muajshe i cili ka pësuar trauma të kokës dhe ngrirje të ekstremiteteve, megjithatë stafi mjekësor thotë se prognoza është pozitive.

Nëna e djalit është e gjallë dhe ajo ka mbërritur në spital.

Lajme të ngjashme

Leave a Reply

Your email address will not be published. Required fields are marked *

Back to top button