Banja Llukë: Policia ndalon tubimet e grupit “Drejtësi për Davidin”

Drejtoria e Policisë së Banja Lukës, njoftoi të hënën se të gjitha tubimet e ardhshme të grupit “Drejtësia për Davidin” do të parandalohen, dhe se ata që përpiqen të organizohen, publikisht do të ndalohen, informon agjencia Beta, njofton REL.

“Për shkak të shkeljes së shpeshtë të rendit dhe qetësisë publike, kryerjes së veprave penale, parandalimit të trafikut normal dhe mosrespektimit të Aktit të Kuvendit të Republikës Serbe, të gjitha tubimet e ardhshme publike të grupit “Drejtësi për Davidin” do të parandalohen dhe ndërpriten në përputhje me Ligjin për Asamblenë Publike të RS” thuhet në deklaratën e policisë.

Lexoni edhe këtë: Vazhdojnë protestat “Drejtësi për Davidin”

Policia tha se po kërkonin pesë persona, përfshirë Davor Dragiçeviqin, babain e të vrarit David Dragicevic, për shkelje të rendit dhe qetësisë publike, si dhe dyshimin se ata kryen krime të caktuara.

Dragiçeviq pati themeluar Lëvizjen Drejtësia për Davidin, pas vdekjes së djalit të tij 21 vjeçar në mars të këtij viti.

David ishte gjetur i vdekur pas një jave prej kur ishte raportuar për zhdukjen e tij.

Babai i tij ka thënë se ai është torturuar dhe vrarë, derisa sipas policisë viktima ka vdekur pas përdorimit të alkoolit dhe drogës.

Tubime mbështetëse për prindërit e Davidit deri më tani janë mbajtur edhe në Sarajevë, Beograd dhe Zagreb.

Lajme të ngjashme

Leave a Reply

Your email address will not be published. Required fields are marked *

Back to top button