Ka ndërruar jetë viktima e pestë e sulmit në Strasburg

Zyra e Prokurorit në Paris ka njoftuar për vdekjen e viktimës së pestë të sulmit në një Treg Krishtlindjesh që ka ndodhur një javë më parë në qytetin francez, Strasburg.

Ai është identifikuar si Barto Pedro Orent-Niedzielski, me prejardhje nga Polonia, transmeton REL.

I dyshuari për kryerje të këtij sulmi, Cherif Chekatt, është qëlluar për vdekje të enjten nga policia.

Katër anëtarë të familjes së tij janë liruar të shtunën dhe dy familjarë të tjerë të dielën.

Aktualisht askush nuk është i ndaluar për këtë rast.

Chekatt, që ka lindur në Strasburg, ka qenë i njohuar për shërbimet e sigurisë.

Ai ka qenë në listën e personave që përbëjnë rrezik potencial për sigurinë kombëtare.

Agjencia e lajmeve të grupit militant, Shteti Islamik (IS), Amaq, ka thënë të enjten se Chekatt ka qenë “ushtar i IS-it”, që ka kryer sulmin “në përgjigjje ndaj thirrjeve për të shënjestruar qytetarët e shteteve të koalicionit” që luftojnë militantët e këtij grupi në Siri dhe Irak.

Të dielën qindra persona janë mbledhur në një tempull në Strasburg për të nderuar viktimat me lexime dhe këngë.

Lajme të ngjashme

Leave a Reply

Your email address will not be published. Required fields are marked *

Back to top button