Shaqiri spektakolar “fundos” Unitedin me dy gola
Liverpooli ka fituar derbin e sotëm ndaj Manchester Unitedit falë paraqitjes së jashtëzakonshme të Xherdan Shaqirit.
Ishin pikërisht dy golat e Shaqirit në pjesën e dytë që i siguruan pikët e plota Liverpoolit nga derbi i sotëm, transmeton Koha.net.
Mane kaloi Liverpoolin në epërsi në minutën e 24, kurse shifrat Unitedi i barazoi në minutën e 33 përmes Lingardit.
Në pjesën e dytë Liverpooli u kundërpërgjigj për mrekulli duke shënuar dy herë. Dhe ishte Shaqiri që shënoi dy golat, përkundër që u inkuadrua në minutën e 70.
Liverpooli merr primatin me 45 pikë, derisa Unitedi në vendin e gjashtë ka 26 pikë.