Ka vdekur personi i katërt nga sulmi i armatosur në Strasburg
Njëri nga personat e plagosur gjatë sulmit të armatosur në një treg të Krishtlindjeve në Strasburg, ka vdekur të premten, transmeton REL.
Tashmë, numri i viktimave nga sulmi është rritur në katër, njoftoi prokuroria në Paris.
Dy persona humbën jetën të martën, kur 29 vjeçari, Cherif Chekatt, me të kaluar kriminale, dhe i cili ishte radikalizuar në burg, ndërmori sulmin në Strasburg.
Një person ende është në gjendje të rëndë shëndetësore.
Pas dy ditësh në arrati, Chekatt u vra të enjten në Strasburg, pas shkëmbimit të zjarrit me policinë.
