ASH: Zaev, Kosovën pa ushtri do ta dëshironte vetëm Serbia dhe Rusia!

Deklarata e kryeministrit të Maqedonisë Zoran Zaev për transformimin e FSK në Ushtri të Kosovës se nuk na qenka koha tani, apo se Ballkani nuk duhet të bëhet fuçi baruti, madje duke apeluar tek liderët e shteteve të kenë kujdes për vendimet e marra, tregojnë fytyrën e zezë dhe nacionaliste të Kryeministrit Zaev, fillimisht ndaj shqiptarëve, Kosovës si dhe ndaj SHBA-ve si mbështetës kryesor i Kosovës në themelimin e Ushtrisë së saj”, reagon Aleanca për Shqiptarët.

“Ky fjalor i Kryeministrit Zaev ndaj Ushtrisë së Kosovës vë në pikëpyetje edhe raportin e tij me SHBA duke lënë për të dyshuar se një Kosovë pa ushtri do ti konvenonte vetëm Serbisë dhe Rusisë. Andaj Kryeministri Zaev bën mirë të shikojë në oborrin e tij dhe ti bëjë reformat e duhura në Maqedoni dhe mos të përzihet në politikën e brendshme të shtetit të Kosovës”, thonë nga ASH.

Aleanca për Shqiptarët kërkon që kryeministri Zaev sa me parë të heq deklaratën e tij dhe t’i Urojë në emër të Maqedonisë Qeverisë së Kosovës për Ushtrinë e saj.

Lajme të ngjashme

Leave a Reply

Your email address will not be published. Required fields are marked *

Back to top button