fbpx

Korça do ta riaktivizojë aeroportin që u mbyll gjatë Luftës së Dytë Botërore

Prefekti i Qarkut Korçë, Dhori Spirollari informoi mbi nismën më të fundit për ndërtimin e aeroportit të Lumalasit në Korçë, një projekt me një ndikim të konsiderueshëm në zhvillimin e turizmit në këtë rajon.

Sipas Spirollarit, tashmë ka përfunduar studimi i fizibilitetit për këtë projekt, studim i financuar nga Fondi Shqiptar i Zhvillimit me kërkesë të këshillit bashkiak të Korçës. Ndërkohë, sipas tij, për këtë projekt kanë shprehur dakordësinë të gjitha bashkitë e qarkut, raporton ATSH.

Projekti për ndërtimin e aeroportit të Lumalasit ka një vlerë investimi 25 milionë euro, dhe parashikohet të realizohet hap pas hapi.

Fillimisht ai do të funksionojë për uljen e aeroplanëve të vegjël turistikë, për aviacionin e përgjithshëm dhe më pas synohet vendosja e tij në efiçencë si një aeroport ‘low cost’ me linja ndërkombëtare.

Pak ditë më parë, Prefekti Spirollari organizoi një takim me përfaqësues të pushtetit vendor dhe atij qendror për aeroportin e Lumalasit. Këto diskutime u fokusuan te nisja e këtij projekti madhor, pa pasur paraprakisht investime të mëdha, dhe më pas hap pas hapi të sigurohen të ardhura që do investohen drejtpërdrejt në këtë projekt.

Pas 94 vitesh, tashmë Korça do të ketë sërish një aeroport funksional. Nga viti 1924-1944, Korça kishte aeroportin e vetë funksional, i cili përdorej kryesisht për transportin e brendshëm ajror dhe që siguronte lidhje me Tiranën, Peshkopinë, Shkodrën etj.

Lajme të ngjashme

Leave a Reply

Your email address will not be published. Required fields are marked *

Back to top button