Era Istrefi në mesin e 28 njerëzve më me ndikim në Evropë
Çdo vit, POLITICO përpilon një listë prej 28 personash që kanë pasur ndikim më të madh në Evropë gjatë vitit 2018.
Këtë vit në mesin e këtyre 28 emrave në mbarë botën është edhe këngëtarja kosovare Era Istrefi, transmeton Kallxo.com.
POLITICO ka shkruar se Era edhe pse nuk merret me politikë ka arritur ta vendosë Kosovën në hartën e botës me pjesë marrjen e saj në Kupën e Botës.
“Edhe pse ajo nuk këndon për politikën, betejën për të ardhmen e Kosovës e stopoi atë për momentin më të madh të Kupës së Botës. Rusia, e cila nuk njeh territorin e Kosovës, refuzoi ta linte atë me pasaportën e saj kosovare. Për fat të mirë, fqinji i Kosovës, Shqipëria i dha asaj shtetësinë, duke i lejuar asaj të vinte në ceremoninë e mbylljes në një audiencë mbarëbotërore me miliona”, ka shkruar POLITICO.