Në moshën 92 vjeçare ndërroi jetë akademiku Ivan Katarxhiev
Në moshën 92 vjeçare ndërroi jetë akademiku Ivan Katarxhiev, anëtar i rregullt i Akademisë së Shkencave dhe Arteve të Maqedonisë.
Akademiku Katarxhiev ishte një nga historianët më të shquar maqedonas. Lënda studimore në të cilën ai bënte hulumtime dhe kishte interes ishte historia e maqedonasve në dy shekujt e fundit, rëndësi të madhe veçanërisht i kushtoi lëvizjeve dhe luftërave për liri dhe pavarësinë e popullit maqedonas.
Ai vlerësohet si një nga historianët që më së miri e njohu historinë maqedonase nga fundi i shekullit të 19 e deri në gjysmën e parë të shekullit 20.
