Mogherini flet me Thaçin: Të tërhiqet taksa

Shefja e politikës së jashtme të Bashkimit Evropian, Federica Mogherini, zhvilloi të mërkurën një bisedë telefonike me presidentin e Kosovës, Hashim Thaçi, transmeton REL.

Sipas komunikatës së lëshuar nga zyra e Mogherinit, kjo e fundit tha se “vendimi i Qeverisë së Kosovës për të rritur tatimin mbi mallrat nga Serbia dhe Bosnje dhe Hercegovina në 100%, vetëm se e komplikon më tej situatën dhe nuk sjell ndonjë zgjidhje për problemet e njerëzve apo për aspiratat e Kosovës për të tashmen dhe të ardhmen e saj”.

“Kjo është një masë që nuk ndihmon për të ndërtuar marrëdhënie të mira fqinjësore dhe duhet të tërhiqet”, tha Mogherini.

Të hënën, edhe sekretari amerikan i Shtetit,Mike Pompeo, u bëri thirrje autoriteteve në Kosovë që të heqin taksën mbi mallrat e importuara nga Serbia dhe Bosnja.

Qeveria e Kosovës u shpreh e vendosur se do të mbajë në fuqi taksënpavarësisht thirrjeve të komunitetit ndërkombëtar.

Lajme të ngjashme

Leave a Reply

Your email address will not be published. Required fields are marked *

Back to top button