Lëvizja Besa me kryetar Bilall Kasamin: Mjekëve t’u rriten rrogat 50 për qind

Lëvizja Besa me kryetar Bilall Kasami nëpërmjet një reagimi dërguar në media për rritjen dhjetë dhe pesë për qind të rrogave në shëndetësi thotë se shkaku i rrogave është që shumica e mjekëve ikin nga shteti, transmeton Portalb.mk.

“Sipas të dhënave statistikore zyrtare, nga 220 mjekë që diplomojnë nëpër fakultetet e mjekësisë në Maqedoni afër 180 kërkojnë dhe gjejnë punë jashtë vendit”, thuhet në reagim.

Në reagim thuhet se rritja prej pesë dhe dhjetë për qind është shumë e ulët dhe se nevojitet rritje urgjente e rritjes së rrogave prej 50 për qind.

“Rrogat të rriten pernjeherë për 50% sidomos të mjekëve të përgjithshëm dhe atyre që janë në specializim. Mjekut të sapodiplomuar t’i paguhet stazhi 80% e rrogës së mjekut të përgjithshëm. Çdo mjeku pavarësisht është i punësuar, apo jo sipas kriteriumeve t’i mundësohet specializim i përcaktuar në bazë të nevojave shtetërore. T’i paguhet rroga si atyre që janë të punësur. T’i sigurohet punësimi në një nga spitalet shtetërore, apo të lihet i lirë të punojë në ndonjë klinikë private. Т’i mundësohet edukim cilësor gjatë specializimit. E sa i përket masave të qeverisë për rritje 5 % në shtator e 10%  në janar, ekziston një fjalë popullore shqipe ‘kur të vijnë mendt të ikin dhent’. Dhe si alternativë të kërkohet finansim i fakultetit të mjekësisë nga shteti Gjerman ose i njejti të privatizohet”, thuhet në reagim.