SHBA-ja dhe Kina afër fundit të “luftës” tregtare

Presidenti i Shteteve të Bashkuara, Donald Trump, tha të enjten se është “shumë i përgatitur” për takim me presidentin e Kinës, Xi Jinping, javën tjetër në kuadër të samitit të G20 në Argjentinë, dukë bërë të ditur se mund të arrihet një marrëveshje për t’i dhënë fund luftës tregtare, shkruan REL.

Pekini dhe Uashingtoni kanë qenë të mbyllur në një luftë tregtare që nga kjo verë, pasi SHBA-ja vendosi tarifa ndëshkuese për mallrat kineze me vlerë 250 miliardë dollarë në vit.

Si hakmarrje, Kina imponoi tarifat në vlerë 110 miliardë dollarë të mallrave të SHBA-së.