Rot për Gruevskin: Hungaria i ka hapur kufijtë për emigrantët, mahnitëse
Sekretari shtetëror për Çështje Evropiane i Ministrisë për Punë të Jashtme i Gjermanisë, Mihael Rot, duke komentuar shkuarjen i ish kryeministrit të Maqedonisë, Nikolla Gruevski në Hungari, ka shprehur habinë se si kjo e fundit ka hapur kufijtë për emigrantët, transmeton Portalb.mk.
“Hungaria i ka hapur kufijtë e emigrantëve, mahnitëse”, tha Rot duke shpërndarë lajmin e Politico.eu ku thuhet se Gruevski ka ikur në Hungari.
Ndryshe, Gruevski u lajmërua nga Budapesti duke shkruar në rrjetin social Fejsbuk se ka qenë i detyruar të ikë pasi që ka pasur kërcënime me jetë. Pas njoftimit se Gruevski më nuk ndodhet në Maqedoni, Policia ka shpallur urdhër-arrest ndërkombëtar.
LEXO: Flekenshtajn: Vështirë ta imagjinoj se Hungaria do t’i japë azil politik Gruevskit
#Hungary opens its borders for #refugees. Amazing… https://t.co/bSIK6ljMmi
— Michael Roth MdB ?? (@MiRo_SPD) November 14, 2018