fbpx

Sllupçan, një 21 vjeçar pa patentë shoferi ka aksidentuar për vdekje një këmbësor 39 vjeçar

Aksident me pasoja vdekje ka ndodhur mbrëmë në rrugën lokale të Sllupçanit të Kumanovës ku një person ka humbur jetën, njofton Portalb.mk.

Prokurori publik i Prokurorisë Themelore të Kumanovës, bashkë me ekipin e Ministrisë së Punëve të Brendshme, mbrëmë ka kryer ekspertizë në vendin e ngjarjes ku ka ndodhur aksident trafiku në të cilën e ka humbur jetën një person. Prokurori publik kompetent ka miratuar urdhër për kryerjen e procedurës hetimore kundër një të dyshuari për kryerjen e veprës penale “Vepra të rënda kundër sigurisë së njerëzve dhe pronës në komunikacion” nga neni 300 paragrafi 2 i Kodit Penal, informojnë nga Prokuroria.

Ashtu siç thonë nga Prokuroria, aksidenti ka ndodhur mbrëmë në orën 21:30 në rrugën lokale e cila të dërgon në fshatin Sllupçan. I dyshuari është një 21 vjeçar, banor nga Likova, i cili ka lëvizur me automjet të tipit BMW me targa të Kumanovës, dhe nuk ka pasur patentë shoferi.

“Duke vozitur me shpejtësi më të madhe se sa e lejuara, i dyshuari ka goditur dy këmbësor – një çift bashkëshortor, të cilët kanë lëvizur në të njëjtin drejtim si vetura. Nga goditja e rëndë, në vendin e ngjarjes ka ndërruar jetë burri 39 vjeçar, banor i Sllupçanit, ndërkaq bashkëshortja ka marrë lëndime. Prokurori ka urdhëruar të kryhet ekspertizë teknike komunikacioni i veturës, por edhe të mblidhen gjurmët nga vendi i ngjarjes. Është dhënë edhe urdhër për kryerjen e autopsisë së trupit të të ndjerit. Prokuroria i ndërmerr të gjitha masat për konstatimin e fakteve në këtë lëndë”, informojnë nga Prokuroria.

Tags

Lajme të ngjashme

Leave a Reply

Your email address will not be published. Required fields are marked *

Back to top button
Close