Flekenshtajn: Vështirë ta imagjinoj se Hungaria do t’i japë azil politik Gruevskit
Eurodeputeti, Knut Flekenshtajn ka komentuar në lidhje me arratisjen e ish kryeministrit Nikolla Gruevski në Hungari, njofton Portalb.mk.
Sipas tij, nuk beson që Hungaria t’i japë azil Gruevskit për dy arsye, e para që Gruevski mund të ketë proces të drejtë gjyqësor në Shkup dhe e dyta se Orban nuk pranon azilkërkues.
“Vështirë ta imagjinoj se Qeveria e Hungarisë do t’i japë azil politik ish kryeministrit Nikolla Gruevski. Për një dy gjëra, e para Gruevski mund të jetë i sigurt për një proces të drejtë gjyqësor në Shkup dhe së dyti, gjithmonë kam menduar se Orban nuk pranon asnjë azilkërkues në vendin e tij”, shkruan Flekenshtajn.
I can hardly imagine that Hungarian government will grant political asylum to former PM @GruevskiNikola. For one thing, Gruevski can be sure about a due process in #Skopje and secondly, I always thought Orbán does not accept any asylum seekers in his country. @TheProgressives
— Knut Fleckenstein (@knufleckenstein) November 13, 2018
Ndryshe, Gruevski dje u lajmërua nga Hungaria duke shkruar në rrjetin social Fejsbuk se ka qenë i detyruar të ikë pasi që ka pasur kërcënime me jetë. Në fakt, Gruevski i iku burgut, pasi që Policia fillojë ta kërkojë për ta dërguar prapa grilave. Pas njoftimit se Gruevski më nuk ndodhet në Maqedoni, Policia ka shpallur urdhër-arrest ndërkombëtar.