fbpx

Konfirmim edhe nga Hungaria, Gruevski ka kërkuar azil politik

Hungaria ka konfirmuar se ish kryeministri, Nikolla Gruevski ndodhet në Budapest dhe se ka kërkuar azil politik nga autoritetet hungareze, transmeton Alsat M. Përmes një komunikate për media, Ministria e Jashtme e Maqedonisë njofton se gjatë ditës ka thirrur ambasadorin hungarez, Llasllo Duks i cili në takim me sekretarin shtetëror, Viktor Dimovski ka konfirmuar saktësinë e informatës së plasuar nga vetë Gruevski në facebook.

“Sot në Ministrinë e Jashtme u ftua ambasadori i Republikës së Hungarisë, Llasllo Duks, në takim tek sekretari shtetëror, Viktor Dimovski me qëllim të verifikimit të informatave edhe nëpërmjet kanaleve diplomatike-“ thonë nga Ministria e Jashtme e Maqedonisë.

Strehimi i Gruevskit në Budapest ka nxitur reagimin e opozitës së atjeshme, e cila sipas mediave hungareze është e prerë se nuk do të lejojë që Hungaria të fshehë kriminelë, qofshin ato të afërt me kryeministrin, Viktor Orban. Miqësia e vjetër mes Orbanit dhe Gruevskit ishte në fokus të informimit nga mediat në të dy vendet.

LEXO:MPB e konfirmoi se Gruevski ndodhet në Hungari

LEXO: Pse Nikolla Gruevski zgjodhi të ikë pikërisht te Viktor Orbani?

Lajme të ngjashme

Leave a Reply

Your email address will not be published. Required fields are marked *

Back to top button